ප්‍රඥාවෙන් (බුදුධියෙන්) ආනන්දයට(සතුටට)ගිය ශ්‍රී ලාංකීය නැළවිලි ගීතය(උසස් පෙල සංගීත විෂය හදාරන සිසුන්ට සහ විශ්ව විද්‍යාල විද්‍යාර්ථීන්ට කාලීන ගීත සාහිත්‍ය විචාරයන් කිරීමට වැදගත් මාතෘකාවකි)

 

---

ගැමි ගී යුගය

මෙවැනි ගී රසවින්දන කාර්යයන්ට අපහට මං පෑදූ මුල්ම ඇදුරු තුමිය වන්නේ ආදරණීය මවු තුමියයි. එහි ආරම්භය සනිටුහන් වන්නේ  බොහෝ දුරට අප මවු කුස තුළ පිළිසිඳුන අවස්ථාවේදීය.  මුලින්ම අප රස වින්දේ අපට ඇසෙන දේ හා දැනෙන දේ පමණි. එහිදී අපට ඒවායේ වචනාර්ථ (තේරුම)එතරම් වැදගත් නොවූ අතර ද්වනිතාර්ථයෙන් (හඬ)පමණක් අසා අප සෑහීමකට පත් වුනෙමු.

මෙලොව එළිය දුටු දා පටන්  වසර කිහිපයක් යන තුරුම අප සවන් දුන්නේ ද එම මිහිරි ශබ්ද වැලටමය. මන්ද ඒ වන විටත් අප ‘‘අකුරු‘‘,‘‘වචන‘‘ ,වැනි සරළ භාෂා න්‍යායන් ගැනවත් දැන නොසිටි නිසාය.

අප ගේ නොනවතින හැඬුම්, දෙඩුම්,කෑ ගැසීම් අපූරුවට නතර කළ ඒ මියුරු  හඬ මාධුර්යයෙන් නිකුත් වූ ශබ්ද මෙසේය........

දොයි-දොයි-දොයි - දොයිය බබා

බයි-බයි-බයි - බයිය බබා

නාඩා නිදියන්න බබා

උබේ අම්මා කිරට ගියා -   කිරි එරවා එන්ට ගියා

කිරි මුට්ටිය ගඟේ ගියා - ගඟ දෙගොඩින් ගලා ගියා

ඒ පාරේ කොක්කු ගියා  - කොක්කු කලේ කිරි බිවුවා

අන්න බබුගේ ඇතින්නියා - ගල් පොත්තේ සිටින්නියා

අත පිබ පිබ දුවන්නියා - කොබනිය කොළ කඩන්නියා

නුබේ අම්මා කොතන ගියේ -  කිරි එරවා එන්ට ගියේ...                                

කිරිමුට්ටිය ගඟේ ගියේ - ඒ එනකල් නුබ දොයියේ....

ඔන්න බබෝ ඇතින්නියා - ගල් පොත්තේ සිටින්නියා

රණ උණබට තලන්නියා - අත පිබ පිබ දුවන්නියා

කපුටු කාක් කාක් කාක් - ගොරකා දේන් දේන් දේන්

අමුතු බාන් බාන් බාන් - මුහුදු රෑන් රෑන් රෑන්

කපුටාගේ කටේ වැල මදුලයි

කපුටිගේ කටේ රන් මුද්දයි

පෑල දොරින් පිටත් බලා

කපටන් ගලට උසී..... 

(මේවා ශබ්ද පමණක් ලෙස අරුත් ගැන්වූයේ ඒ වන විටත් අප මේවායේ අරුත් නොදන්නා නිසාවෙනි.)

ඉහත දැක්වූ සියලු නැළවිලි කවි අපේම නූගත් ගැමි සමාජය නියෝජනය කළ අම්මා වරුන් විසින් නිරායාසයෙන් නිර්මාණය කළ ඒවාය. මෙම කවි වල ඇති ශබ්ද මාධූර්යයේ තීව්‍ර තාව කෙතෙක් ද යත්,  ලෝකයේ ඕනැම රටකට ගොස් අපේ නැළවිලි ගීයක් කියූ පමණින් ම අපේ භාෂාව තබා ‘‘අවාරයේ මී අඹ ගෙඩියක් තරම් වූ ‘‘ මේ පුංචිම පුංචි හෙළ දිව ලෝක සිතියමේ තිබෙන තැනක් වත් නොදන්නා ඔවුන් උන් හිටි තැන් වලම නැළවෙන්නේ ඒ නිසාය. ඔවුන් ඒවා කිසි දිනෙක අසා නැත. ගයා නැත. මෙයයි ඉපැරණි නැළවිලි ගීයේ අපූර්වත්වය.

සේගී යුගය:-

මෙම යුගයේ දී ලියැවුනු බොහෝ පද්‍ය අතරින් අප සැමගේ අවධානයට පාත්‍ර වූ  ‘‘ඇස්. මහින්ද හිමියන්‘‘ විසින් රචිත මෙම වියත් ගී කාව්‍ය රචනාව ඉදිරිපත් කරමි.

මුණි සිරිපා සිඹිමින්නේ

සමනොළ ගිරි පෙදෙසින්නේ

මඳ සුළඟයි මේ එන්නේ

මගේ පුතා නැළැවෙන්නේ

ජාතික රණ දෙරණ මතේ

ගැටී වැටී මළ මොහොතේ ...//

සුන්දර සුරඹුන්ගෙ අතේ

නැළැවෙන බව සිතනු පුතේ

නිදහස් හිරු දෙවි එනවා

දෑ බැති මල් පිබිදෙනවා

සිරිලක් මව හිනැහෙනවා

මගේ පුතා නැළැවෙනවා

කැප්පෙටිපොළ සෙනෙවිසුරු

කර රුපුසෙන් මං දැදුරු ...//

අහිරුවිකුම් පෑ අයුරූ

නුඹට පුතේ වෙයි මියුරූ

ජාතිය රන් විමනක් වේ

ආගම මිණි පහනක් වේ

එය රැක ගන්නට මෙලොවේ

සමත් වෙතොත් පුත නුඹ වේ

මෙය පසු කාලීනව පණ්ඩිත් අමරදේවයන් සහ නන්දා මාලිනිය විසින් ගැයූ අපූරු ගීතයක් බවට ද පත් විය.

මෙහිදි විශේෂත්වය වන්නේ විරත්වය, දේශාභිමානය, වැනි තේමාවන් පසුබිම් කර ගනිමින් මෙම ගීය රචනා වීමයි. එකළ ලක් දිව පැවති සමාජ දේශපාලන වටපිටාවට මුහුණ දීමට අනාගත පරපුර සූදානම් කිරීම මෙන්ම වර්තමානයේ ද මෙවැනි ගීත පරිශීලනය තුළින් දේශීයත්වයේ මතු අනාගතය නිරවුල් කර ගැනීමට  ද මහඟු පිටිවහලක් ලැබෙන බවද කිව යුතුමය.

පැරණි නාට්‍ය යුගය:-

මෙහිදී ශ්‍රී ලාංකීය නාට්‍ය ඉතිහාසය නියෝජනය කරන ‘‘සොකරි‘‘,‘‘කෝලම්‘‘, ‘‘නාඩගම්‘‘ , ‘‘නූර්ති‘‘ යන් නාට්‍ය සම්ප්‍රදායන් අතරින්  නාඩගම් සම්ප්‍රදාය නියෝජනය කරන ‘‘බැලසන්ත  නාඩගමේ‘‘ එන මෙම නැළවිලි ගීතය ඉදිරිපත් කරමි.

ඉඳින් බාබෝ ඉඳින් //

මගේ අතේ ඉඳින් - බො ආදරෙන් - නුඹේ මවු මෙන්

රකින්නෙමී මෙමං

උක්කූං දෙඥ්ඥං බබෝ //

නාඩා ඉඳිං - උඹට මං - උක්කුං දෙඥ්ඥං බබෝ

බිල්ලා එවී බබෝ //

බිල්ලා ඇව්ත් - උඹව දැං - අල්ලා ගනී බබෝ

මෙවැනි ගීත දෙස අවධානය යොමු කිරීමේදී පැහැදිළි වන්නේ හුදෙක් ප්‍රෙක්ෂක අවධානය රඳවා තබා ගැනීමේ ද අපේක්ෂාවෙන් ඒවා ලියැවී ඇති බවයි. නමුත් මේ වන තුරුත් නැළවිලි ගීයේ රිද්මය දරුවෙකුට නැළවෙන්නට හැකි වන පරිදි  මනා සේ රැකී තිබෙන බවපැහැදිලි කිරිමයි  මගේ උත්සාහය.

මෙම නාට්‍යමය අවස්ථාවේ දී මව අහිමි වූ දරුවාට රැක වරණය සලසන කාරුණික කාන්තාවක් (ඇතැම් නිෂ්පාදන වල සුළු මව)විසින් දරුවා රැක බලා ගන්නා ආකාරය නිරුපනය කරයි.

නව නාට්‍ය යුගය :-

‘‘මහාචාර්ය එදිරිවීර සරච්චන්ද්‍රයන් ‘‘ගේ පටන් මේ දක්වා නිපදවූ නාට්‍ය නව නාටය යුගයට අයත් වන අතර එයින්  ‘‘‘මුහුදුපුත්තු‘‘‘ නාට්‍යයේ එන පහත සඳහන් ගීතය නිදසුන් කොට දක්වමි.

 මුහුදු පතුළ යට ඉඳලා - මුතු ඇටයක නිදි කරවා

පෙණ කැටියක පා කරලා - මගෙ දෝතට පුතු ආවා //

සුදු පාටින් පහන් තරුව  - දුර අහසේ දිලිසෙනවා

සුදු පාටින් ටිකිරි සිනා - පුතුගෙ මුවින් ගිලිහෙනවා //

වෙරලෙන් කිරි කවඩි සොයා - කෙනෙක් පුතුට ගෙන එනවා

තවත් කෙනෙක් පාට පාට - පබළු කඩෙන් ගෙන එනවා

ඒ කවඩියි -මේ පබළුයි -එක නූලේ අමුනනවා

ඒවායින් මාල සදා - පුතුගෙ ඉනේ පළඳනවා

මැතක අප අතරින් වියේ වු සෝමලතා සුබ සිංහ ඇදුරු තුමිය මෙය රඟන අයුරු අමතක නැතුවා ඇතැයි මා සිතමි.

මෙහිදී නාට්‍යමය අවස්තාවට පාදක කර ගන්නේ ධීවර පරිසරයයි. ඒ පරිසරය නියෝජනය කරන ‘‘ මුතු ඇට, පහන් තරු,පෙණ කැටි, කිරි කවඩි,පබළු‘‘වැනි අලංකාර රූපක ගීතය සඳහා භාවිතා කරමින් එම සමාජ වටපිටාව ප්‍රතිනිර්මාණයට වේදිකාව තුළ ඉඩ හසර ලබා ගන්නා  ගීත රචකායාවත්, තනු නිර්මාණ ශිල්පියාවත් පෙර සිට පැවත එන නැළවිලි ගීය නොමරා තම නිර්මාණ කාර්යය සාරථක කර ගනී.

 

 ග්‍රැමෆෝන් ගී යුගය:-

එකල පැවති නූර්ති හා චිත්‍රපට ගී ඇසුරින් මෙම වකවානුවේ බොහෝ ගී ප්‍රචාරය වූ අතර එයිනුත් ‘‘මාතලන් චිත්‍රපටය‘‘ සඳහා ‘‘හියුගෝ ප්‍රනනාන්දු ‘‘ විසින් රචිත ‘‘ආර්.මුත්තුසාමි ‘‘මාස්ටර් ගේ සංගිතයට අනුව ‘‘කේ.රාණි‘‘(පසු නිෂ්පාදන වල ලතා වල්පොල) ගැයූ මෙම ගීතය ඉදිරිපත් කරන්නේ  පැවති සාම්ප්‍රදායික විලම්බ ලය(අඩු වේගය) භාවිතයෙන් ඔබ්බට ගොස් තරමක වේග රිද්මයක් භාවිතා කරමින් (6/8 beat) නැළවිලි ගීතයට දුන් නව ආරක නිර්මාණ ප්‍රෙව්ශය සනිටුහන් කිරීමටයි.

දොයි දොයි දොයි දොයිය පුතා

බයි බයි බයි පයිය පුතා//

රමනි පින් සරා - මුව සිරි දිදෙන්නා

පුබුදූ කුසුම සේ මුකුලූ පාන පුතා

හඳ මාමා ගෙනේ කිරිපැණි කලතලා

රස මීරේ වේවා පුතාටා

නාඩා මා තුරුලේ නිදා දොයාය පුතා

මගෙ අභිලාශේ ඉටුවෙයි ස්ථිර සරා

ඔබ වෙයි මාගේ ඉටුදෙවි කුමාරා

රජ ශ්‍රී වංශයේ දිනිඳා වීලා

ලොව මිහිරී වේවා පුතාටා

නාඬා මා තුරුලේ නිදා දොයිය පුතා

මෙම ගීතයේ එන චිත්‍රපට අවස්ථාවට අනුව මෙහි මවගේ අභිප්‍රාය වන්නේ රහසේ ආරක්ෂා කරන තම පුතු ගේ අනාගත රාජාභිෂේකයයි. එම තේමාට ගැලපෙන පරිදි මුත්තුසාමි මාස්ටර් විසින් මෙම ගීතයට අපූරු තණුවක් නිර්මාණය කර ඇත්තේ පැවතී ගෙන ආ නැළවිලි ගී ආකෘතියට හානියක් නොවන පරිදිය.

  

චිත්‍රපට ගී යුගය:-

පුතුනේ මේ අහගන්න පුතුනේ - පුතුනේ මේ අහගන්න

මං පොඩි කාලේ හඳමාමා කිවු කතාව මේ අහන්න පුතුනේ

කුරුළු කූඩුවක කැලයේ - පොඩි කුරුළු ජෝඩුවක් උන්නා

ලස්සන සිංදු කියාලා - පොඩි පුතා නැළෙව්වා දෙන්නා

හාටි හැටියෙම දවසක්දා - මොර සූරන වැස්සක් වැස්සා

ඇළ දොළ ගංගා පිරිලා - වැහි වතුර ගලගලා බැස්සා

මහ සැඩ සුළඟක් හමලා හෝ ගා ගස් ගල් පෙරලී ඇද විටුනා

අම්මයි අප්පයි දෙන්නා - හත් සෙයියනෙ දෙයියනෙ කියලා

පුංචි කුරුල්ලා ඉඹලා - මහ හයියෙන් විලාප දුන්නා

ඔය කාගේ සැප දුක බලනා -මේ මුලු තුන් ලෝකෙට ලොක්කා

පොඩි පුතා බදා ගෙන හඬනා මේ මවගේ දරු දුක දැක්කා

හිත උනු වීලා අනුකම්පා වී - වැහි බිඳු අහසට ඇද ගත්තා

‘‘සුජාතා අත්තනායක‘‘ ගේ සුමදුර හඬින් ගැයෙන ඉහත ගීතය කථාන්දරයක ස්වරූපයෙන් ලාකීය ගීත ඉතිහාසයට එක්වන්නකි. නමුත් එහිදී උත්තර භාරතීය රාගධාරී සංගීතය ඇසුරින් ගීතයේ තනුව නිර්මාණය වී ඇති මුත්, අපගේ නැළවිලි ගීයක් තරමටම එදා මෙදා තුර ශ්‍රී ලාංකිය සංගීත රසිකයින් හදවත් තුළ තැන්පත් වූ ගිතයක් ලෙස මෙය හැඳින්විය හැක්කේ, එහි එන ආකෘතිකමය ලක්ෂණ වලට හානි නොවන පරිදි නිර්මාණ කාර්යය අවසන් කර ඇති බැවිනි.

සරළ ගී යුගය:-

මෙම යුගයේ දී නැලවිලි ගි තේමාව යොදා ගනිමින් නිර්මාණය වූ සරළ ගී දෙකක් ඉදිරිපත් කිරීමට කැමැත්තෙමි

 1.චන්ද්‍ර මඬුළු යට සුරංගනාවන් - නුඹ සනහන්නට ගීත යනවලු

දුවේ එපා ඒ කතා අහන්නට මේ නැළවිලි ගී මමයි කියනනේ

රන් තැටියට කිරි පැණි පුරවාලා - හඳහාමී නුඹ බලන්න එනවලු

දුවේ එපා ඒ කතා අහන්නට මේ නැළවිලි ගී මමයි කියන්නේ

                                                            (විශාරද නන්දා මාලනී)

2.සිහින නෙළුම් මල් පියලි සලා

මගෙ පුතුගෙ කිරි සිහිනේ සුවඳ කලා

මුලු ලොවම ඒ සිහිනෙන් සුවඳ වෙලා

කිරි සුවඳ දෙයි මුව ගේ පවන් සලා

                                                            (මරියෙසෙල් ගුණතිලක)

ඉහත ගීත දෙක සරළ ගී යුගය නියෝජනය කළත් ගායන ආර දෙකක් නියෝජනය කරන ගායන ශිල්පිණියන් දෙදෙනෙක් විසින් ගයනු ලබන ගීත දෙකකි. මන්ද රිද්මයක් අනුගමනය කළ ද 01 වන ගීතයෙන් තම සිඟිති දියනියට යථාර්ථය අවභෝද කර දීමට තම මව දරු නැළවිල්ල යොදා ගනී

නමුත් දෙවන ගීයේ මව තුළින් විද්‍යමාන වන්නේ දරු සුතල් දැකගත් මවක ගේ උද්දාමයයි.

ඉහත ගීත දෙකම තේමාවන් දෙකක ගමන් කළත් ‘‘නැළවිලි ගී ආකෘතිය‘‘ රැක ගනිමින් තම මතයන් ඉදිරිපත් කිරීමට උත්සුක වී ඇත.

නූතන යුගය:-

මෙම යුගය පිළිබඳ කතා කිරීමේදි වර්ථමානයේ උද්ගත වී ඇති තත්ත්වය පැහැදිළි කළ යුතුමය. මෙහි දී වර්ථමානය වන විට දරුවන් නැළවීම නම් උතුම් කාර්යයට උර දීමට කාර්යබහුල මවට කාලය යොදවා ගැනීමට බෙහෙවින් අසීරු බව බොහෝ මවු වරුන් නගන මැසිවිල්ලයි

නමුත් ඔවුන්ට තම eye brow සදා ගන්නට, කොණ්ඩය tint කර ගන්නට facial කර ගන්නට ඔනෑ තරම් වෙලාවද ඇත.

ඔවුන් පවසන පරිදි  කොපමණ කවි නිව්වද දරුවන් නැළවෙන්නේම නැත.

ඉහත පූර්විකාවෙන් පසු ව මා මෙම යුගය වෙනුවෙන් ඇති නිදසුන ඉදිරිපත් කරමි

නැළවෙන මවු උකුළේ - පොඩි දරුවන් දෙතොළේ

සුරතල් සිඟිති සිනා මැවෙන කළේ කිරි ඉතිරේ

ඔන්චිළි චිල්ල මලේ - වැල්ලේ නෙල්ලි කැළේ

නිදියා ගන්න පුතේ මවගෙ තුරුල්ලේ

සුමිහිරි ගිත ගයා ඔබව තබා පුංචි තොටිල්ලේ

බඩගිනි නිවන්න ලේ කිරි කර දුන්නේ

දුක සැප දෙක නොබලා නිදි නොලබා වෙහෙස දරන්නේ

හොඳ අම්මා ආදර පෑවා බිළිඳු පුතේ

මෙම ගීතය ඔබ සෑම දෙනෙකුම පෙර ඉදිරිපත් කළ ගීත සැමටම වඩා හොඳින් දන්නා නිසා සම්පූර්ණයෙන් ඉදිරිපත් නොකරමි.

මන්ද මා හට අවැසි වූයේ නැළවිලි ගී ආකෘතිය පිළිබඳව මගේ විචාරය ඉදිරිපත් කිරීමට නිසාවෙනි.

මෙවැනි ගීත වලින් ලබා දුන් පූරවාදර්ශයන් නිසාවෙන් වර්ථමානය වන විට නන්ස්ටොප් සීඩී තැටියක ආධාරයෙන් නැළවෙන අභූත සත්වයෙකු බවට වර්ථමාන කැකුළු දරුවෝ පත්ව සිටිති.

ඉඳින් අනාගතයේ ඔවුන්ගෙන් කවරනම් වැඩිහිටි සත්කාර අපේක්ෂා කළ හැකි වේද?

 දැන් ඔබ මුල සිට අවසානය දක්වාම හොඳින් මේ  අදහස පැහැදිළි කර ගත්තේ නම් අපේ ගීත සාහිත්‍ය ඇත්ත වශයෙන්ම පෝෂණය කිරීම ආරම්භ කළ යුත්තේ කොතනින් ද? සැබැවින්ම අති සාර්ථක විචාරකයෙකු අනාගතයේ බිහි වන්නේ කොතැනින්ද ? යන්න අත්‍යන්තයෙන්ම පැහැදිළි වනු ඇත.

වාද්‍ය භාන්ඩ ඉගෙනීම ,ක්‍රමාණුකූල පුහුණුව හා ඉවසිලිවන්ත භාවිතය

 ළමයෙකු හෝ වැඩිහිටියෙකු වුවද පළමු වරට සංගීත භාණ්ඩයක් ඉගෙනීම යනු අමිහිරි සරදමට ලක් වන ක‍්‍රියාවක් විය හැකිය. කෙසේ වෙතත්, ප‍්‍රිතිය හා සංගීතයට වඩා වැඩි යමක් සංගීත භාණ්ඩ වලින් සලසනවා. ඇත්ත වශයෙන්ම සංගීත පසුබිමක් නැතිව අනෙක් විෂයන් ඉගෙනීමට වඩා සංගීත වාදනය කිරිමෙන් ඔබට අනෙක් විෂයන් ඉගෙනීමට පහසු කරවයි. අලූත් භාෂාවක් ඉගෙනීමේ සිට ගණිතය සඳහා අතිදක්ෂයක් වීමට උපකාරිවේ. ආරම්භයේදී ඔබේ දෙසවනට ප‍්‍රිය උපදනව සංගීත භාණ්ඩයක් තෝරා ගත යුතු අතර හැකිතාක් එය අධ්‍යනය කරන්න. පාඩම් වල සිට සංගීතය දක්වා, සෑම සංගීතය පිළිබඳ වු නැඹුරුතාව සංගීත භාණ්ඩය උදෙසා ඔවුන් දක්වන කැපවීම මත කෙනෙකු අතිදක්ෂයකු බවටපත්කරනවා. 

ශ‍්‍රී ලංකාවේ බලපෑම.

ලූහුඩුදැන්වීම් හරහා ඔබ කැමති සංගීත භාණ්ඩය තොරා ගැනීමට බලද්දී, මේ රට සහ කලාපය තුල සාමුහික සාරසංග‍්‍රහක බලපෑමක් ඇති බව ඔබට දක්නට පිළිවන. ඈත ඉතිහාසයේදී යුරෝපීයන් පළාත්ව වැසියන් පදිංචි කිරිමේදී ඔවුන්ගේ සංගීත සංස්කෘතියන්ද ගිටාර් ද ඇතුලත්ව ඒ සමඟම ගෙන ආහ. අප‍්‍රිකාව සමඟ වෙළඳ කටයුතු කිරිමේදී සහ ඉන්දියාව අසලදීත් ඔවුන්ගේ එම බලපෑම ජන සංගීතය හා වෙනත් සම්ප‍්‍රදායික සංගීතයන් වලදි දැකීමටපු`ඵවන. එපමණක් නොව රොක් සංගීතය පැතිරීයාමේ දි එය තාරුණ්‍යයේ සංස්කෘතිය මත එහි සළකුණ තබා ඇති අන්දම දැකීමට හැකිය. එපමණක් නොව කලාපය තුල නවීන සංගීතය විහිදි තිබුණද  තම මුල් මගින් උරුම වු සාම්ප‍්‍රදායික බෙර හා ගායනා ක‍්‍රම තවමත් ශ‍්‍රී ලංකාව තුළ පවත්වා ගෙන යනු ලැබේ.

බෙර.

අති සරළ සංගීත භාණ්ඩ අතුරින් ඇරඹුම සඳහා බෙරය හොඳ භාණ්ඩයකි. කුඩා අතේ තබා ගෙන වාදනය කළ හැකි බෙර වල සිට රොක් සංගීතයේදී භාවිතා වන ඩ‍්‍රම්ස් දක්වා සත්‍ය වශයෙන්ම ඔබට අවශ්‍ය වන්නේ රිද්මයයි. පටන් ගැන්මේදී ස්ථායි තාලය බෙර වෙල ආකර්ෂණයයි. ඔබට මාත‍්‍රා ගණකයක් ඇත්නම් සමස්ථාන කාළය හුරුවීමට එය මධ්‍ය රිද්මයට පෙරළන්න. රිද්මයානුකූල නර්තනයක් සමඟ බැඳුණු බෙර වාදනය සඳහා ලංකාව තුල ගැඹුරු මුල් බැස ගැනිමක් ඇත.

ඔබේ නිවසේ කාණ්ඩය එක රාශීවිමක් ඇතිනම්, බෙරය ගෙන විනෝදය සඳහා රිද්මයානුකූල නර්තනය සමඟින් වයන්න. සංගීත භාණ්ඩයන්ගෙන් පිරිස අතර ටිකෙන් ටික උද්යෝගය ඇති කරවීම උදේසා වැයීමෙන් ඔබට පුහුණුවක්ද ලැබේ. වෙනස් ශබ්ද සඳහා බෙර වැයීම සඳහා භාවිතා කරන කෝටුව මගින් ශබ්දය ත්ව්ර කරන්න. සම්පුර්ණ ගීතය හෝ නැටුම සඳහා වැයිමේදී ඔබේ අතට ගෙනන විඩාව එමගින් දුරුවනු ඇත. 

පියානෝව.

පියානෝව ස්වර වාදනය පටන් ගැන්මට ඇති හොඳම සංගිත භාණ්ඩයයි. එසේ වුවද එය තරමක් සංකිර්ණ බවක්  පෙන්නුම් කරයි. සෑම යතුරක්ම යම් සංගීත ධ්ව්නියක් පෙන්නුම් කරයි.

මෙහිදී විශේෂත්වය කොළයක සටහන්ව ඇති සංගීතය තේරුම් ගනිමින් අත හුරුකර ගනිමින් පියානෝව ඉගෙන ගැනිමට සිදුවිමයි. සංගීත ධ්ව්නි ඔබට කතාන්දරයක් කියයි. හරියට එය අලුතින්ම නොදන්නා වෙනත් භාෂාවක් ඉගෙන ගන්නවා වගෙයි. ධ්ව්නිය ගලපා ඔබ විසින් ඔබේ ඇගිලි සෑම යතුරක් මතම තබන්න. ඔබේ පුහුණුවේදී ඔබ විසින් කොළයක ඇති සංගීතය ඔස්සේ මේ සියලූ ධ්ව්නි ඇති ස්ථාන හඳුනා ගනු ලබන්න. මේ දැණුම ඔබේ හිතේ ධාරණය කරගෙන, තිබෙන කොළයක ඇති සංගීතය ධ්ව්නි සහිත  ඕනෑම ගීතයක් ඔබට වැයීමට හැකියාව ලැබේනවා. 

ගිටාර් .

ගිටාරය යනු ද්වාරයක් (දොරක්) වැනි සංගීත භාණ්ඩයකි, ඒ හා සමාන වු අනෙක් තත් සංගීත භාණ්ඩ වාදනය කිරිමට ඔබට දොර විවර වේ. උදාහරණයක් වශයෙන් ඔබ ‘‘ඔකෝස්ටික් ගිටාරය‘‘ වාදනය කිරිමට උගනියි, එහි අති දක්ෂයකු වු විට ඔබට එම දැණුම ම උපයෝගී කරගෙන ‘බේස් ගිටාරය‘, ‘ඉලෙක්ටි‍්‍රක් ගිටාරය‘ හෝ ‘යුටකෝලෙක්කි‘ වාදනය කිරිමට හැකිය. ගිටාර් හිසෙහි ප‍්‍රධාන තත් මත ඔබේ ඇඟිලි හැසීරවීම අනුව සෑම තතක්ම ධ්වනියක් දක්වයි. 

ඔබේ ගිටාර් දැණුම සමග ඔබට සංගීත කණ්ඩායමක් වුවත් ඇරඹිය හැක. ඔබ සිතෙහි ඇති සංක්ෂිප්ත තොරතුරු සමග ඔබේ මිතුරන්ට උගන්වන්න, ඒ සමග වෙනස් සංගීත භාණ්ඩ සමගින් නානාප‍්‍රකාර සංගීත කණ්ඩායමක් බිහි කරන්න. ඔබේ වටපිටාවේ පවත්වන සාදයන් නැවත එක වගේ නොවේවි. එමගින් ඔබ විෂයානුබද්ධව සමාජ ගත වේවි. ඔබේ සබ කෝලය නැති වේවි.පවුලේ අයගෙන් සමන්විත ‘‘පුංචිම පුංචි පැදුරු පාටියකින්‘‘ මෙය ඇරඹිය හැකිය.පසුව අසල්වාසීන් හා නෑදෑ හිතමිතුරන් අතරට යන්න.

කුළියට හෝ තාවකාලික භාවිතයට ගන්න.

ඔබේ සංගීත භාණ්ඩ පිළිබඳ තිරණය කල විට, ඔබට දක්ෂයෙකු සේ සෑම දිනයකම සිටිමට අවශ්‍ය වේ. අළුත්ම සංගීත භාණ්ඩක් පිළිබඳ ඔබ සිහින මවමින් සිටිමට පුළුවන, නමුදු කුළියට හෝ තාවකාලික පාවිච්චිය සඳහා සංගීත භාණ්ඩයක් ගැනීම හොඳ කල්පනාවකි. ඔබ වාදනය කිරිමේදී ඔබට දැනෙන්න ගන්නවා සංගීත භාණ්ඩය ඔබ සඳහා නොවන බව.

බොහෝ සංගීත භාණ්ඩ විකිණිමට ඇති ස්ථාන වල එම සංගීත භාණ්ඩ කුළියටද දෙනු ලැබේ. හොඳ තත්වයේ සංගීත භාණ්ඩයක් වගකීමක් සහිත මාසික ගාස්තුවකට ලබා ගැනීමට සඳහා වෙළදසැලේ අයිතිකරු සමග කතාබහ කරිම හොඳම පිළිවෙළයි. එසේ නැතහොත්, තාවිකාලික භාවිතාව සඳහා මිතුරෙකුගෙන් හෝ පවුලේ කෙනෙකුගෙන් ලබා ගන්න. ඔබ කුළියට හෝ තාවකාලික භාවිතාවට ගත්තද සංගීත භාණ්ඩය පරිස්සමි කරන්න. ඔබට සංගීත භාණ්ඩය ප‍්‍රථිස්ථාපනය කිරිමට සිදු වුවහොත් එය තරමක් මිල අධික නිසා එය රැකගන්න. 

 කුළියට හෝ තාවකාලික භාවිතයට ගැනීමේදී ඔබට සංගීත භාණ්ඩය ඔබට කොයි තරම් දුරට ගැලපෙනවා ද යන්න විමසා බැලිය හැකිය. කාලයක් යද්දි ඔබට තේරේවි ඔබ වඩාත්ම කැමති, ගැලපෙන සංගීත භාණ්ඩය එවිට ඔබටම කියා සංගීත භාණ්ඩයක් මිලදී ගත හැකිය.

පාඩම් ඉගෙන ගන්න.

ඔබේ විශේෂ සංගීත භාණ්ඩය නුහුරට වාදනය කිරිමෙන් ඔබ විනෝදයක් ලබනවා නම්, සැලකිලිමත්වන්න. පාඩම් මගින් එය හොඳින් වාදනය කිරිමට. සංගීතය පලිබඳ  කායබල වර්ධනය කිරිමෙන් ගුරුවරයෙකු හෝ අත්දැකීම් ඇති මිතුරෙකු විසින් ඔබට සංගීත භාණ්ඩය හැසිරවීම හා වාදනය පිළිබඳ නියමිත ආකාරය උගන්වයි. ඔබේ ශරීරය විසින් ගිටාර් පික් එක නිසි කෝණයෙන් අල්ලා ගැනිමට සමත් වන අතර පියානෝවේ නියමිත ධ්ව්නිය ගැසීමට හුරුවීම අතරතුර උදාහරණ ලෙස ගත හැක. මෙහිදී ඔබ ලිවීමට භාවිතා කරන අත සංගීත භාණ්ඩයේ වැඩි වශයෙන් භාවිතා කරන වපසරිය සඳහා යොදා ගන්න.

උදා:- තබ්ලාවේ නම් දායාං කොටස සඳහා ඔබ අකුරු ලියන්නේ දකුණතින් නම් දකුණු අත භාවිතා කරන්න.

         වයලීනයේ අළුව(බෝ එක) හැසිරවීමට ඔබට හුරු අත යොදාගන්න.

දිනපතා පුහුණුවන්න.

සතියක් පුරා සංගීත භාණ්ඩය මගහැර ඔබට නිකම්ම පාඩම් ඉගෙන ගෙන සිටිය නොහැක.  ඕනෑම සංගීත භාණ්ඩයක දක්ෂයකු වීමට පුහුණු වීම හැර අන් මගක් නැත. සංගීත භාණ්ඩයේ නියම දක්ෂයෙකු වීමට දිනකට අඩුම වශයෙන් පැයක් පමණ පුරුදු පුහුණු වන්න. ඔබට ගුරුවරයෙකු සිටි නම්, ඔවුන් පුරුදු වීමට නියමිත කාල ප‍්‍රමාණය දෙනු ඇත. 

ඔවුන් කලබලයට පත් නොවෙමින් අනුබල දෙනවා කායබලය සහ උදව් සපයනවා ස්වර මතකයෙන් තබා ගැනීම වර්ධනය කර ගැනිමට. අතරතුර සමහර ගීත සඳහා ඔබට ලියා ඇති සංගීත කණ්ඩ බැලීමට අවශ්‍ය නොවේ, නිදර්ශකයක් වශයෙන් ඔබ ධ්ව්නියන් දන්නවා නම් එය සංගීත භාණ්ඩයෙන් නිකම්ව වයන්න. සති අවසානයේදී ඔබ ගුරුවරයා වෙත යාමේදී ඔබේ දියුණුව දැක ඔවුන් පුදුමයට පත් වේවි. 

උද්යෝගීමත්වන්න.

සංගීත භාණ්ඩ විකිණිමට ඇති ස්ථාන වලට ගොස් ඔබ විනොදයට පත් වන සංගීතය ලියා ඇති සංගීත කණ්ඩ සහිත කොළයන් සොයා බලන්න. ඔබ වයන ගීතය සඳහා ඔබ කැමති නම් එය හොඳ තත්වයට පත් වන තුරුම දිගටම පුරුදු පුහුණු වන්න. සමහර සංගීත කණ්ඩ ලියා ඇති සහිත කොළ සම්පුර්ණ සංයුක්ත තැටි සමග සම්පාදිත පොත් වශයෙන් ඇත. මෙම සංයුක්ත තැටිය ඔබේ සංගිත භාණ්ඩය සමග එකට යන සංගීත භාණ්ඩ පවතියි. ඔබ සුදානම් බව හැගුණහොත් මෙම සංයුක්ත තැටියත් සමග වයන්න.  සංයුක්ත තැටි ක‍්‍රියාත්මක කිරිමේදී ඔබ සංධවනි වාදක වෘන්දයක් සමග වාදනය කරනා ලෙස හැඟෙනු ඇත. 

ප‍්‍රසංගයක් සුදානමි කරන්න.

කිසියම් ගීත සඳහා මෙමගින් ඔබව යොමු කරනු ලැබේ. ඔබේ දක්ෂතාවන් පෙන්නුම් කිරිමට වාදනය කිරිමට ලැබීම හොඳ අවස්ථාවකි.  වැඩි පුර පුරුදු පුහුණු වී ගීත හොඳ මට්ටමට ගෙන එමට එමගින් ඔබට ඉලක්කයක් ලබා දෙනු ලැබේ. ප‍්‍රසංගයේදී ඔබේ වාදනය අනෙක් අයට තමන්ගේ ම සංගීත භාණ්ඩයක් ඉගෙන ගැනීමට උත්තේජනයක් ද ලබා දිය හැක. මෙමගින් ඔබගේ වටපිටාව සාරවත් කළ හැකි අතර ඉගෙනීමද වඩා ශක්තිමත් කළ හැක.

 ශබ්ධ සමග පරික්ෂණ පවත්වන්න.

සංගීත භාණ්ඩයක නිපුනයෙක් වීමේ වාසිය යනු ඔබ විසින් ඔබේම ශබ්ද සෑදීමට හැකි විමය. සංගීත භාණ්ඩය භාවිතා කිරිමට හොඳින් අවබෝධ කරගත් විට, වෙනස් ශබ්ධයන් අත්හදා බලන්න. ස්වරයන්ට අනුකූලව වෙනස් තත් එකට භාවිතා කරමින් හෝ ඔබේ මිතුරෙකුගේ ආධාරය බෙරයක් යොදා ගනිමින් සරළ ගිතයක් වයන්න. කිසිවෙකු කිසි දින සිතා නැති ශබ්ධයන් සමග ඔබ ඉදිරියට ඒවී. සෑම දිනකම නව ප‍්‍රභේදයන්ගේ සංගීතය ගවේශනයන් සහ සොයා ගනු ලැබෙනු ඇත.

සංගීතය ඉගෙන ගැනීම යනු ජිවිතයටම උදා වන ප‍්‍රයෝජනයකි. ඔබ ප‍්‍රවීණයෙකුසේ සංගිත භාණ්ඩයක් වාදනය කරනවා නම්, ඔබේ දරුවන්ටද එම දක්ෂතාවයේ ඵල නෙලා ගත හැක.  ඕනෑම ගුරුවරයෙකුට කතාකර ඔබට ගැලපෙන සංගීත භාණ්ඩය සොයා ගන්න. තාල තරංග භාණ්ඩ, තත් භාණ්ඩ,  සහ ලෝහ සංගිත භාණ්ඩ (බ‍්‍රාස්* ඇතුලත්ව ඔබට තෝරා ගැනීමට හැකි  වර්ණවත් තානයන් ඉදිරිපත් කරන සම්භාව්‍ය සංගීත භාණ්ඩ බොහෝමයක් ඇත. ඔබේ ජිවිතය උසස් කර ගැනීමට අදම සංගිත භාණ්ඩයක් අත්හදා බලන්න. 

ඉහත ක්‍රම අනුගමනය කිරීමෙන් ඔබ සාර්ථක සංගීත ශිල්පියෙකු වනු නොඅනුමානයි. එමෙන්ම ක්‍රමාණුකූල සංගිත අධ්‍යාපනය තුලින් වඩාත්ම ඵලදායී වන්නේ ඔබටත් නොදැනීම ඔබ ගේ ඉවසීමේ ගුණය වර්ධනය වීමයි. අනාගතයේ ඔනැම දෙයක් දරා ගත හැකි ඉවසිලිවන්ත උදාර මිනිසෙකු වීමට හා ඔබට මුහුණ දිමට සිදුවන ගැටළු විසඳා ගැනිමට ද, ඔබ උගත් මෙම සංගීතයම උදවු වනු නිසැකය.